Ish deputeti demokrat Ervin Saliannji ka reaguar për seancën e sotme të kuvendit.

Në një potim në faqen e tij ne facebook ai shkruna se “ndërkohë që mijëra biznese e punëtore, nxënes e studentë dhe çdo qytetar izolohet për të siguruar mospërhapjen e virusit dalin e mblidhen ata që nuk kanë asnjë punë, për të dënuar me 15 vjet burg këdo që del nga shtëpia për të siguruar ndonjë racion ushqim”.

Ja postimi i plotë:

Janë mbledhur të papunët më të paguar dhe milionerë për të dënuar me 15 vjet burg ata që duan të punojnë dhe jetojnë!

Ndërkohë që mijëra biznese e punëtore, nxënes e studentë dhe çdo qytetar izolohet për të siguruar mospërhapjen e virusit dalin e mblidhen ata që nuk kanë asnjë punë, dhe as kanë nevojë të punojnë për të siguruar jetën, për të dënuar me 15 vjet burg këdo që del nga shtëpia për të siguruar ndonjë racion ushqim! Me këtë rast ngrenë dorën dhe për të zhvatur në të ardhmen qytetarët për llogari të tyre.