Analisti Fatos Lubonja ka reaguar ashapër pas protestave që kundërshtonin shembjen e Teatrit Kombëtar.
Në një intervistë për Neës 24, Lubonja tha se pas këtij aksioni i shembjes së Teatrit Kombëtar është pushteti i mafies që vë gjurmën e pushtetit të vet dhe kësaj i duhet bërë një proces. Lubnja theksoi se Tirana e së nesërmes do të jetë simbol i pushtetit të mafies.

“Po prishin gjithçka me stilin e diktatorëve. Kështu kemi injorancën e diktatorëve që bashkohet me gjithë këtë etje për para të mafies.

Kjo Tiranë do të ngelet nesër si simboli i pushtetit të mafies në Shqipëri. Siç ishte Enveri që vendosi muzeumin e pallatit kombëtar që ishte simbolika e tij.

Është pushteti i mafies që vë gjurmën e pushtetit të vet dhe kësaj i duhet bërë një proces”, tha Lubonja.

Më pas analisti ka rikthyer vëmendjen tek stadiumi , parku i liqenit dhe parku i shtatë xhuxhave.

“Krimi ndaj stadiumit është aty. I regjistruar edhe në dokumente. Ishte monument kulture dhe u prish. Ka ligje që thonë që tek një monument kulture ti nuk mund të ndërtosh.

Vetëm këta që mund të gënjejnë edhe të vdekmit mund ta thonë këtë që thonë këta. Këta kanë shkelur çdo parim urbanistik atje dhe ajo është një shëmtirë urbanistike.

Kanë propagandën. Këndi i lodrave. Ajo që ka ndodhur te parku është një urbanizim i një zonë që duhet të ruhet. Tirana mezi i ka zonat që të hysh dhe të ndjehesh në natyrë. Aty donin të bënin edhe lokal. Po të shohësh vendet ku këta duan të mbështeten ata i ruajnë si sytë e ballit zonat e tyre. As asfalt nuk vënë, por e lënë dhe nëpër lulishte.

Ata spostuan parkun e xhuxhëve për të ndërtuar një gradaçelë mafioze.

Pastrimin e parave të pista që bëjnë këta unë e quaj zhvillim tumoral. Shqipëria nuk ka nevojë për këto ndërtime. Ne kemi më shumë sipërfaqe për banorë supermarkete sesa Gjermania. Ky është trusti i parave të pista që gjeneron pushtet për Ramën dhe Veliajn”, deklaroi Lubonja.