Pas 8 vitesh në krye të qeverisë dhe katandisjen e ekonomisë në kohët e saj më të errëta, pikërisht kur zgjedhjet e ardhshme parlamentare jane pas dere, Edi Rama, bën premtime deri në vitin 2030.
Në krah me ministrin Ahmetaj të cilin e largoi nga financat pas një grope dhe borxhi të rritur në mënyrë të paprecedentë, Rama, sikur të ketë ardhur nga planeti Mars premtoi një ‘Plan të ri kombëtarë ekonomik-social’ për 9 vitet e ardhshme.
Dhe në krye të këtij plani me të cilin duket se ka nisur që tani edhe fushatën elektorale, ka vendosur pikërisht ish-ministrin e dështuar të financave dhe aktualisht përgjegjës për tërmetin dhe virusin, Arben Ahmetajn.
Duket se me këtë strategji Rama po përpiqet që të ‘trimërojë’ të vetët duke ju premtuar se do të jetë në pushtet deri në vitin 2030 nga njëra anë, si dhe për të rritur pikët në sondazhet që aktualisht e nxjerrin në humbje katastrofike përball një opozitë të bashkuar.
‘Ne kemi marrë dje një lajm shumë të mirë nga tregjet e kapitaleve dhe kemi arritur një rezultat që na inkurajon shumë dhe që faktikisht garanton planin e ri kombëtar Shqipëria 2030 për një transformim ekonomik e social, duke adresuar rimëkëmbjen se ne dolëm nga dy goditje njëra pas tjetrës dhe ambicien tonë për një shtysë të fortë para të ekonomisë dhe punësimit në vitet e ardhshme.
Sapo të jemi gati në javët në vijime planin e ri kombëtar do të kemi një event të vecantë të prezantimit, si e ka bërë me dije ministri i Shtetit që është edhe koordinatori i punës për planin e ri kombëtar, nuk do të jetë plan zhvillimi në letër, aq më pak strategji në dokument që duhet përkthyer në masa, por një plan verimi i kalendarizuar në afat të shkurtër, mesëm dhe të gjatë’, deklaroi Rama.
