Ish-deputetja e Partisë Demokratike Albana Vokshi ka publikuar në llogarinë e saj foto të tezës së provimit të Matematikës për maturën. Në një kohë që maturantët janë ende duke e dhënë këtë provim, duket se teza “ka rrjedhur” edhe pse nuk lejohen celularët gjatë zhvillimit të testit.

Vokshi ngre pyetjen se kush e ka nxjerrë ndërsa shton se mësuesve “ju hoqët celularët, ju shkruat emrin në çdo dërrasë të zezë dhe u detyruan që të firmosnin deklarata për pushim nga puna”.

Sipas Vokshit, përgjegjësia për keqmenaxhimin e situatës bie për Ministren e Arsimit, Besa Shahini.

Postimi i plotë:

Edhe #testin e #matematikës opozita e nxori?

U tha me bujë të madhe nga Ministrja e Arsimit, Besa Shahini, se testi i matematikës është hermetik se janë marre masa të mos dalë dhe të tjera broçkulla si këto.

Ka 3 ditë që për të mbuluar dështimin e saj, sulmon opozitën, por prapë dështoi.

Thirri mësuesit në oborrin e shkollës, duke rrezikuar shëndetin e tyre për të bërë shoë me masat gjoja të forta antikopjim, u hoqi celularët, i detyroi të firmosin deklarata për pushim nga puna, në rast të shkeljes së rregullave dhe çfarë bëri? Asgjë!

Turi mund t’ia kishte dalë mbanë kësaj situate më mirë sesa e dështuara Besa Shahini dhe shefi i saj Edi Rama.

Testi i matematikës është zbuluar dhe Besa Shahini duhet të mbajë përgjegjësi.