Ilir Pecnikaj:SHQIPERIA PERSERI E MBYLLUR, KU PO SHKOJME?!

Saturday, 27 June 2020 14:54
Nga Ilir Pecnikaj
 
Kryefjala e cdo kërkese të bërë nga ne, që në fillimin e epidemisë COVID-19 ka qënë “MBROJTJE” (mbrojtje per personelin shendetësor, dhe e popullsisë në tërësi) dhe “TEST”, si dy mënyra që mund të nxirrnin Shqipërin nga ky virus pa probleme të shtuara.
Asnjëra nga këto nuk u bë siç duhet dhe kur duhet, o më keq akoma, nuk u bë kurrë.
Etja e qeverisë për të bërë vetëm e vetëm propogand edhe me “coronavirusin”, dritëshkurtësia dhe injoranca e Komitetit Teknik për ti thënë Sulltanit Surrelit, se rruga që po ndjekin është diametralisht e kundërt me atë që duhet, na ka dërguar në këtë pikë ku jemi sot (mund të kuptoj trysninë që ky komitet ka nga falangat e qeverisë, por një profesionist nuk mund të bëhet kurrë shërbëtor i verbër i një politike, në rastin më të mirë qorre, e me c’po duket tërësisht kriminale). Sot jemi një nga vendet e pakta në Europë i bllokuar tërësisht nga Europa por edhe nga fqinjët.
Pra nuk qenkemi “fanar në botë”, siç u mundua të na e shiste qeveria, por jemi të rreshtuar në ato vende SI POTENCIAL I PËRHAPJES SË COVID-19.
Ku jemi sot?
Ajo që është më e tmerrshme është se sot vatrat më të nxehta të COVID-19 janë spitalet dhe qendrat spitalore. Aty gjithçka duhet të ishte “NO COVID-19”, por është e kundërta. Në fillim të shkurtit edhe mund të pranohej një gjë ë tillë, me justifikimin “mosnjohje”, por sot ka protokolle të mirpërcaktuara dhe të detyrueshme për të eleminuar tërsisht COVID-19 nga spitalet dhe qendrat spitalore.
Teste…
Për testet molekulare, të njohura si tampone, jemi shteti më i fundit në Europë dhe një nga me të fundit në botë (77832 tampone/një milion banore), ku zemë vendin e 129-të. Edhe Venezuela që është në luftë civile ka bërë plot 6 herë më shumë se ne, këtë lloj testi.
Faktikisht numri i të prekurve po rritet në mënyrë eksponenciale.
 
Kurse për sa i përket testeve seriologjike, është një mjegullnaj e vërtetë....
Sot që populli duhet të ishin më i informuar për gjendjen e tyre shëndetësore, si e drejtë kushtetuese dhe si detyrimi qeverisë për ta përmbushur atë, jemi në një hamulli të plotë dhe në një “karantinim” të detyrueshëm nga të gjitha vendet e tjera të botës.
Sot që vendi ynë duhet të ishte i hapur për turizmin, si një nga rizorsat më të mëdha të vendit tonë, Bota po na mbyllë, sepse menaxhimi i COVID-19 nga qeveria është shumë i keq për ata, por kriminal për ne. Kriminal për të gjithë ata që po infektohen aty ku shkojnë të gjejnë shërim, kriminal për të gjithë ata që infektohen për fajin e dikastereve që nuk kanë dhe nuk duan të ndjekin një protokoll, kriminal për të gjithë ata që aktivitetin e tyre të përditshëm e kanë të bllokuar, kriminal për të gjithë ata që duan të lëvizin, por në saj të menaxhimit të qelbët të situatës COVID-19 nga qeveria, nuk lëvizin dot, kriminal….kriminal….kriminal, sepse në krye kemi veçse një qeveri kriminale dhe arrogante.
Nëse plani i qeverisë ka qënë “mbyllja e shqipërisë nga vendet e tjera të botës”, si ëndërr e shembur e etërve të tyre, po ja dalin mrekullisht.
Modifikuar më Saturday, 27 June 2020 14:58

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Denoncimi i PD: Skandal tek kopshti ‘4 Stinët’ në Tiranë, bashkia fshehu rastin me COVID-19, prokuroria të hetojë

Politikë

Denoncimi i PD: Skandal tek kopshti ‘4 Stinët’ në Tiranë, bashkia fshehu rastin me COVID-19, prokuroria të hetojë

  Partia Demokratike i bëri thirrje prokurorisë që të hetojë në lidhje me rastin e mbylljes së kopshtit ‘4 Stinët’ në Tiranë, pas rasteve që u shfaqën me koronavirus. Në një dalje...

Nard Ndoka ironizon Ramën:Pse nuk bëhesh president i Flamurtarit

Politikë

Nard Ndoka ironizon Ramën:Pse nuk bëhesh president i Flamurtarit

Ish-deputeti i Partisë Demokratike, Nard Ndoka ka ironizuar me kryeministrin e Shqipërisë, Edi Rama, duke i thënë të bëhet president i Flamurtarit. Duke iu referuar deklaratës së kryetarit të PD, Lulzim...

Rakipi:Deklarata e Bashës, mjaft serioze! Rama kërkon garanci të mos marrë haraçin për gjithçka ka bërë!

Politikë

Rakipi:Deklarata e Bashës, mjaft serioze! Rama kërkon garanci të mos marrë haraçin për gjithçka ka bërë!

Gazetari Ylli Rakipi, ka qenë i ftuar në emisionin “Në fokus” në TV T, ku ka komentuar deklaratat e Lulzim Bashës, lidhur me një ofertë për pazar, që i ka...

Sondazh

Nothing found!

Sondazh

Nothing found!