Deputeti i opozitës parlamentare, Lefter Maliqi ka vijuar me akuzat kundër Ramës duke thënë se rotacioni politik është i pashmangshëm.

Maliqi shprehet se Rama ka mbetur vetëm pasi gris çdo marrëveshje dhe nuk pyet as për ndërkombëtarët.

Nga ana tjetër deputeti thotë se ndryshimi po ndodh dhe ai bashkë me kolegët e tij është në koalicion me SHBA dhe BE. Maliqi është ndër të parit deputetë të opozitës parlamentare që deklaroi votën pro marrëveshjes së 5 qershorit në Këshillin Politik, por mazhoranca ende nuk i ka votat për ta miratuar me shumicë të cilësuar në Kuvend.