Presidenti Ilir Meta ka nderuar në 2-vjetorin e Aleancës për Dhurimin e Gjakut, personin që e motivoi për të qenë pjesë e kësaj nisme, të ndjerin Musa Zenelaj.

‘Sot në 2-vjetorin e krijimit të Aleancës për Dhurimin e Gjakut përulem me nderim para kujtimit të paharruar të z.Musa Zenelaj, i cili më nxiti dhe motivoi për këtë nismë tepër të rëndësishme.

Kur e dëgjova për herë të parë të fliste për problemet e fëmijëve me talasemi mendova se ishte një mjek i dalë në pension që ndihmonte si vullnetar.

Por më pas mësova se z.Zenelaj nuk kishte patur asnjë lidhje me mjekësinë, por mbesa e tij kishte lindur me talasemi dhe ai nga halli ishte bërë më mjek se mjekët.

I lumtur të takoja dhe mbesën e tij, Ermela Zenelaj, e cila është një aktiviste e shkëlqyer dhe shembull lidershipi në këtë Aleancë për të ndihmuar fëmijët e tjerë.’