Ka ndërruar jetë mbrëmjen e djeshme si pasojë e Covid 19 mjeku pneumolog Anibal Byberaj.

Mësohet se Byberaj ka shkuar dje në spitalin “Shefqet Ndroqi”, në gjendje të rëndë dhe është vendosur në intubim menjëhere, por fatkeqësisht nuk ka mundur të mbijetoj.

Byberaj ka qenë mjek në Tropojë, ka mbajtur dhe postin e drejtorit të spitalit të Tropojës, duke iu shërbyer qindra qytetarëve.

Nuk bëhet e ditur se prej sa ditësh mjeku ishte prekur nga Covid 19, dhe se pse shtrimi i tij në spital ka ardhur vetëm dje, kur gjendja ishte përkeqësuar ndjeshëm.