Kakavijë, Policia në ndihmë të qytetarëve, që po qëndrojnë në radhë me orë të gjata pritjeje për të kaluar në shtetin grek
Mijëra shqiptarë prej ditësh ndodhen të bllokuar në pikat kufitare të Kakavijës dhe Kapshticës. Autoritet greke kanë vendosur rregulla të reja për shkak të pandemisë dhe kalimi u lejohet vetëm me teste të koronavirusit. Qytetarë presin zgjidhje nga institucionet e qeverisë shqiptare, pasi ndodhen në mes të rrugës, në temperatura të larta dhe pa asnjë ndihmë.

Por në vend të zgjidhjes, ministrat e qeverisë “Rama” fajësojnë qytetarët që nuk janë informuar për rregullat e reja të palës greke.