Kryeministri Edi Rama ka mbajtur një fjalim në Kuvend për reformën në drejtësi dhe procesin e vettingut. Ndërkohë që Rama ka nënvizuar se nuk do të shpëtojnë as politikanët nga drejtësia e çliruar, ka ndërhyrë nga vendi deputeti Tom Doshi.

“Edhe ti do ta bash vettingun!”, mësohet të ketë thënë Doshi.

Jashtë Kuvendit, deputeti Doshi është shprehur për gazetarët se nësë politikanët përfshihen në procesin e vettingut atëherë nuk do të ngelet as gjysma e tyre në parlament.

Kujtojmë që vetëm pak ditë më parë Departamenti Amerikan i Shtetit denoncoi publikisht deputetin shqiptar Tom Doshi sipas ligjit amerikan, për shkak të përfshirjes së tij në korrupsion në nivel të lartë.