“Janë t’u shku paret në katër anë, të hedhin sytë nga ata që janë në çadër”, në kushte të vështira nga tërmeti, banori në Fushë-Krujë: As ka pyet kush a jemi gjallë

E mërkurë, 16 September 2020 09:35

 

Familjet e dëmtuara nga tërmeti dhe që ndihen të harruara nga shteti janë të shumta edhe në Fushë-Krujë. Banorit të fshatit Bubq, Andon Shota, shtëpia i ka dalë me dëmtime serioze që në tërmetin e 21 shtatorit 2019 dhe më pas tërmeti i 26 nëntorit ia shkatërroi plotësisht. Në bisedën që pati me ish-deputeten e Partisë Demokratike, Orjola Pampuri, ai thotë se edhe pse është vlerësuar për shembje, deri më tani nuk ka parë asnjë ndihmë nga shteti.

Për këtë është detyruar të qëndrojë për 10 muaj në çadër në kushte shumë të vështira, bashkë me gruan dhe djalin. Ndërsa gruaja e tij, Dave Shota, thotë se nëse kërkohet pastërti për shkak të pandemisë, shteti duhet të marrë parasysh kushtet ku qëndrojnë familjet e dëmtuara nga tërmeti që jetojnë ende në çadër.
Andon Shota: Unë jam Andon Shota në fshatin Bilaj. Mua më është prishur shtëpia, totalisht e pabanueshme, brenda s’mund me hyj brenda në shtëpi. Jetoj në çadër ka 10 muaj!

 

Orjola Pampuri: Nga 26 nëntori, ju nuk keni patur asnjë lloj mbështetje?
Andon Shota: Jo, jo, jo!

Orjola Pampuri: Përsa i përket rindërtimit të shtëpisë?
Andon Shota: As ka pyet kush për atë punë, asnji!

 

Orjola Pampuri: Historia juaj ka filluar me tërmetin e shtatorit?
Andon Shota: Po qysh te tërmeti i parë…

Orjola Pampuri: Ku pati dëmtime dhe më pas gjithçka përfundoi në nëntor?

Andon Shota: Ka përfunduar totalisht sa më ka ul në zero krejt.

Orjola Pampuri: Si ju ka nxjerrë?
Andon Shota: Për shembje shtëpia!
Orjola Pampuri: Ndërkohë jeni me DS4 dhe nuk ka ardhur askush të marrë masa për rindërtim?
Andon Shota: Asnjë…. Jo, jo, jo, as ka pyt kush për atë punë, a jetojmë apo nuk jetojmë gjallë në këtë tokë!

Orjola Pampuri: Me çfarë të ardhurash jetoni?
Andon Shota: Vetëm me një rrogë të djalit, ai mund të punojë një herë në dy javë. Ajo, të thuash një qind e ca mijë lekë në muaj i ka ilaçe, se është vetë e sëmurë. Të dy jemi pa pension.

Dave Shota: Këtu ku gatuaj unë është e papranueshme!
Orjola Pampuri: Dhe tani po vjen dimri…
Dave Shota: Në kohë pandemie që thonë keni kujdes, po ça kujdesi kam unë këtu?! Ma kallzoni ju mu, ça duhet të bëj unë këtu, a është e pranueshme këtu? Ku të shkoj?!
Andon Shota: Unë pra kërkoj vetëm një gjë, një ndihmë nga shteti, të venë dorën ata, se fundja fundit, janë t’u shku paret në katër anët krejt, të paktën të hedhi sytë nga ata që janë brenda në çadër!

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Del përgjigjja e tamponit/Kryetarja e bashkisë së Shkodrës, Voltana Ademi konfirmohet pozitive me Covid 19

Politikë

Del përgjigjja e tamponit/Kryetarja e bashkisë së Shkodrës, Voltana Ademi konfirmohet pozitive me Covid 19

Kryetarja e bashkisë Shkodër, Voltana Ademi ka rezultuar pozitive me COVID-19. Kryebashkiakja e Shkodrës një ditë më parë pas dyshimeve ka bërë tamponin pranë strukturave të shëndetësisë ndërsa në përgjigjen...

Ulet numri i rasteve të reja me COVID-19 në Itali, 17 të vdekur në 24 orët e fundit

Globi

Ulet numri i rasteve të reja me COVID-19 në Itali, 17 të vdekur në 24 orët e fundit

  Bien shifrat e COVID-19 në Itali. Testimet ditën e sotme kanë qenë 55.800, ndërkohë që gjatë javës u arritën edhe 100 mijë testime.Në 24 orët e fundit në shtetin fqinjë...

Protestat në Bjellorusi/Ja imazhet e fiksuara nga fotografi i arrestuar nga regjimi bjellorus

Globi

Protestat në Bjellorusi/Ja imazhet e fiksuara nga fotografi i arrestuar nga regjimi bjellorus

  Një gjykatë në Minsk, më 16 shtator, dënoi fotoreporterin e Shërbimit bjellorus të Radios Evropa e Lirë Uladz Hrydzin dhe fotografin e pavarur Alyaksandr Vasyukovich me 11 ditë burg, për...