Një ditë pasi numri dy i PS, Taulant Balla, dhe kreu i Ministrisë së Brendshme, Sandër Lleshaj, zbarkuan në Elbasan, ky qytet tronditet nga krimi.
Vëllai i një personi të shumëkërkuar u ekzekutua në mëngjes, duke rikujtuar se qyteti i Elbasanit është një vatër e nxehtë e krimit
Por një ditë më parë, policia u përdor për fushatë në mënyrë skandaloze nga Taulant Balla.
Duke përdorur policinë si dekor, kryetari i grupit parlamentar të Partisë Socialiste, foli për krimin, për politikën dhe kazanin, duke e kthyer në një miting politik, një ceremoni që në asnjë rast nuk ka lidhje me politikën.
Ndërkohë policia po ‘instruktohet’ në këtë mënyrë se armiqtë e saj janë opozita dhe mediat.
Nga ana tjetër, ajo vetëm po mbledh kufomat dhe po shuan zjarrin e makinave të djegur nga ekzekutorët.
Këtu është katandisur policia dhe Ministria e Brendshme e Lleshajt dhe Ballës.
