Nënkryetari i LSI-së, Petrit Vasili shprehet se pakti që u shkel sot nga Edi Rama me votimin e njëanshëm të Kodit Zgjedhor në Kuvend, u nënshkrua në Ambasadën e SHBA.

Ai shton se çdo alibi për këtë shkelje të rëndë është kundër popullit shqiptar. “Marrëveshja konsensuale e 5 qershorit, qe u ngjiz dhe u shkrua ne Ambasadën Amerikane u shkel sot për faqe të zezë nga Edi Rama. Ky është fakt që nuk e luan topi! Askush nuk mund të mbyllë sot sytë dhe të lajë duar si Ponc Pilati përpara këtij fakti ulëritës. Dhjetëra nene të Kodit Zgjedhor të miratuar në përputhje dhe zbatim të marrëveshjes së 5 qershorit u shqyen dhe u grisën sot nga Edi Rama. Edhe ky është fakt që nuk e luan topi. Çdo alibi për përgjegjësinë shumë të rëndë të Edi Ramës për shkeljen e dhunshme të 5 qershorit është KUNDER POPULLIT SHQIPTAR, kundër zgjedhjeve të lira dhe të ndershme dhe kundër Integrimit Europian dhe anëtarësimit të Shqipërisë në BE”,– shkruan Vasili në një reagim në Facebook