Kreu i opozitës Lulzim Basha ka treguar në emisionin Opinion se kush fshihet dhe kush dëmtohet më shumë, ndaj akuzave që i bëhen atij për luftën e Kosovës.

Basha deklaroi se ata që dëmtohen më shumë janë Kosova dhe Lufta e UÇk, ndërsa shtoi se pas këtyre akuzave absurde fshihen ata që sot po përfitojnë më shumë në kurriz të shqiptarëve, siç janë oligraktët e inceneratorëve dhe ortakët e tyre.

Mua nuk më dëmton. Dëmi më i madh i bëhet Kosovës, i bëhët luftës së larë me gjak të UÇK-së si dhe interesave kombëtare shqiptare.

Gazetarja: Kush fshihet pas këtyre akuzave dhe kush dëmtohet nga këto akuza?

Basha: Për mua ka 3 faktorë që fshihen, përfitojnë ata që fshihen pas pandemisë dhe krizës ekonomike.

Përfitojnë ata që kanë bërë aleancë financiare me një nga TV e mëdha kombëtare që janë pronarët e incenereatorëve dhe ortakët e tyre, sepse ata kanë marrë 175 milionë euro në kurriz të shqiptarëve.

E treta janë komplekset e Edi Ramës, pasi ato që kam bërë unë në 8 vite ai si bën dot në 80 vite.

Kur isha Ministër Transportesh unë kam bërë Rrugën e Kombit, si Ministër i Jashtëm kam qendruar në krah të Presidentit Bush. Si ministër i Brendshëm kam shërbyer për të hequr vizat për shqiptarët.