Kryeministri Edi Rama së bashku me ministren e Shëndetësisë, Ogerta Manastirliu ishin sot në Air Albania stadium për të folur mbi procesin e vaksinimit dhe planin.

Gjatë fjalës së tij, Rama sulmoi edhe Bashkimin Evropian, teksa tha se drejtimi i përcaktuar prej tyre për t’u investuar në skemën e Covax është ende sot një drejtim i papërcaktuar, ndërsa zbuloi se vaksinat e para të ardhura në Shqipëri nuk janë bërë përmes Greqisë, por përmes një vendi tjetër të BE-së, të cilin kryeministri nuk ia tha emrin.

“Jam bashkë me Manastirliun e cila do bëjë një prezantim të planit të vaksinimit, sa më takon, po them se ndihem i lehtësuar sepse jo vetëm kemi arritur në kushte jo të lehta 500 mijë doza vaksina, por edhe të të sigurojmë fillimin e vaksinimit para afatit falë marrëdhenieve bilaterale, janë kyçe në këtë proces, ku strategjia dhe drejtimi i BE për tu investuar në skemën e covax ka rezultuar të jetë ende sot një drejtim i papërcaktuar në kohë.

“Prandaj jemi angazhuar dhe me kanale të tjera , kontaktuam në New York drejtpërdrejt pfizer dhe njëkohësisht kemi hapur 4 kanale të tjera bilaterale, në 4 vende dhe vaksinimi sot është një marrëveshje me nje nga këto vende, që nuk jam i autorizuar ta them sepse ashtu e kërkojnë. Por meqë është e thenë se ky vend është Greqi, ju them që jo, nuk është Greqia”,- tha Rama.

Ndërsa, ministrja Manastirliu ka bërë të ditur planin se si do të nisë vaksinimi në Shqipëri. Manastirliu ka thënë se të parët që do të vaksionohen janë mjekët dhe infermierët në spitalet COVID