Berisha në Kukës: Rama nuk meriton as 8 ditë të qeverisë, e shndërroi Shqipërinë në ‘delen e zezë’ të Evropës

Tuesday, 12 October 2021 18:42

 

Sali Berisha nga foltorja e Kukësit ka sulmuar kryeministrin Edi Rama, duke u shprehur se ai nuk meriton as 8 ditë të qeverisë. Berisha i bëri thirrje kryeministrit që të ndjekë foltoren e Kukësit, pasi siç u shpreh ai, kjo është çështje burrash dhe jo pengjesh.

 

Sali Berisha u shpreh se Rama në këto 8 vite e ka shnderruar Shqiperine ne delen e zeze te Ballkanit dhe Evropes.

 


“Në emrin tuaj do ti them: Edvin ndiqe këtë foltore. Kjo është punë burrash dhe jo punë pengjesh, punë burrash dhe grash të mira dhe jo punë pengjesh.

Sot ne mblidhemi në këtë foltore për të diskutuar së bashku për të vendosur së bashku që ti rikthejmë PD shpirtin e saj të lirisë, votën. Ti rikthejmë asaj forcën e atdheut, ti rikthejmë demokratëve dinjitetin për të cilën ata sakrifikuan shumë për të përmbysur komunizmin.

Mblidhem në një moment kritik për vendin, në një kohë kur një njeri, i cili ka kaluar në këto 8 vite nga skandali në skandal, ka kaluar në këto 8 vite me qeverisjen e tij duke e shndërruar Shqipërinë në delen e zezë të Ballkanit dhe Evropës. Duke e shndërruar Shqipërinë në vendin e dytë më të korruptuar të Evropës, duke e shndërruar Shqipërinë në vendin më të pashpresë, duke e shndërruar Shqipërinë në vendin e mjerimit. Jo 8 vite, por as 8 ditë nuk meriton Edi Rama të qeverisë.

Që nga Enver Hoxha deri më sot, shqiptaret nuk kanë pasur një kryeministër me antinjerëzor se Edi Rama”, u shpreh Berisha.

Ish-kryeministri akuzoi Edi Ramën se e ka nisur këtë mandat si vasal të Beogradit. Teksa iu referua Ballkanit të Hapur, Berisha u shpreh se kjo nismë është armiqësi e hapur ndaj Kosovës.

“Megjithatë ky nis mandatin e tretë pasi është shndërruar në një vasal të verbër të Beogradit. Edi Rama në këto 8 vite në vend që të ndjekë nismën e Berlinit, të cilin e udhëheq Gjermania ndoqi nismën e Beogradit, Ballkanin e Hapur që e udhëheq padroni i tij Vuçiç. Edi Rama, nisma e Beogradit është vasalitet për Shqipërinë, është armiqësi e hapur ndaj Kosovës.

Kohërat janë kritike, kohërat janë vendimtare. Edvin, ti mendon se do të gëzosh këtë mandat. Dëgjoji pak ato daulle, po bien për ty. Mandat nuk gëzon ti, që ke vjedhur me qindra miliona, mandatin nuk e gëzon dot ti sepse vetëm në zonat e tërmetit ke përdorur 160 mln euro para për të blerë votat e njerëzve të varfër. Mandatin nuk e gëzon dot, sepse ke përdorur patronazhistët njëlloj si në kohën e baballarëve të tu për të terrorizuar shqiptarët. Mandat nuk ke ti. Dy ditë më parë dha dorëheqjen kancelari i Austrisë. Po pse e dha?

Sepse u akuzua se kishte dhënë para për të blerë qëndrime pozitive. Para mund të ketë dhënë, por jo më shumë se Edi Rama. Këto Edvin nuk ti fal ty, të jesh i bindur dhe mos luaj me burrat, sepse këto janë punë burrash dhe jo pengjesh”, tha ndër të tjera Sali Berisha

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...