Deputeti i Partisë Demokratike, Flamur Noka u shpreh në studion e emisionit “Të Paekspozuarit” se edhe pa u shpallur non grata, ish-kryeministri Sali Berisha kishte në plan një lëvizje për reformimin e PD-së së brendshmi.

Noka zbuloi se humbja e PD në 25 prillit e bindi dhe më shumë liderin historik të demokratëve për të nisur lëvizjen brenda Partisë Demokratike.

“Sali Berisha kishte një plan për një lëvizje brenda PD, edhe pa non grata. Ai sot rezulton shumë më lart se Basha në sondazhe. Problemi që ka PD është problemi i autokracisë. Gabimet dhe fajet i kemi marrë përsipër. E kam thënë që Bashës i dridheshin këmbët prej Agron Shehajt. Pa ndonjë eksperiencë të madhe në politikë", u shpreh Flamur Noka.

Sakaq, vlen të sjellim në vëmendje se Sali Berisha ka deklaruar edhe në 'Foltore' se i kishte kërkuar dorëheqjen Lulzim Bashës pas humbjes në 2017, gjë e cila ishte refuzuar nga kryetari i PD.

Ndërsa pas humbjes në 25 prill, që i dha Edi Ramës poër herë të parë në historinë pluraliste të Shqipërisë mandatin e tretë, Berisha ka akuzuar Bashën se i bëri zgjedhjet brenda PD me nxitim, duke u kapur pas karriges së tij.