Deputeti Lulzim Basha po rrëshqet gjithmonë e më shumë, duke krijuar një situatë të errët dhe dashakeqe për demokratët, duke i akuzuar si llum, të korruptuar, madje edhe kriminelë e trafikantë.

Një rast i fundit është denoncuar në redaksinë e SYRI-t, pasi Basha i përmendi emrin si trafikant në Britani të Madhe, por deri dje rezulton se e kishte mik shtëpie. Bëhet fjalë për zotin Myftar Lumneshi që përveç si mik i familjes Basha, gjë e cila provohet dhe nga fotot, dihet që z.Lumeshi ka qënë dhe financues i Bashës.

Për sa kohe ai financonte Bashën dhe shoqëronte Bashën, ai ishte një demokrat i nderuar, ndërsa sot meqë mbështet Berishën, krejt papritur ai del si trafikant.

Për këtë gjë z.Lumneshi ka ngritur padi për shpifje në drejtim të Gazment Bardhit.

Prej pak ditësh, Lulzim Basha dhe Gazment Bardhi kanë përhapur në mediat pranë tyre një shpifje në lidhje me atë që e kanë etiketuar si organizata kriminale, B9. Sipas tyre, pjesë e kësaj organizate është edhe biznesmeni Myftar Lumneshi, i cili është parë në oborrin e PD-së.

Po nëse është qesharak fakti se dikush duhet të inkriminohet pse qëndron në oborrin e PD, akoma më paradoksal është fakti se Lumneshi rezulton të jetë një mik shtëpie i Lulzim Bashës. Ndërkohë gazetari Artan Hoxha ka ironizuar në median sociale, duke thënë se organizata kriminale B9 qenka kaq e rrezikshme, sa ka bashkëpunuar edhe me Bashën.

POSTIMI I HOXHES

“Sa e rrezikshme paska qenë kjo Organizata Kriminale “B9”??!!! Paska bashkëpunuar edhe me Bashën dreqi, mirë që bashkëpunon tani me Berishën, për të marrë me sulm të armatosur godinën e SHQUP-it…"