Kryetari i PD-së, Sali Berisha, ka shkuar dje në Pogradec ku ka vizitua një mikun e tij piktor, Anastas Kostandinin, i cili ishte duke u përgatitur për një ekspozitë të re.

“Dje vizitova studion e piktorit të mirënjohur dhe një miku të vjetër, Tasos, Anastas Kostandini, i cili dashurine e tij të pakufishme për Pogradecin e ka derdhur me aq ndjenja, pathos dhe mjeshtëri në krijimitet e tij, - tregoi Berisha.

“Në studion e Tasos takon Gjolin, Shtërgun, Lasgushin, Kadarenë, Kutelin, personazhe dhe vepra të tyre. Pra, një univers shqiptar.”

“Ai sapo kishte mbyllur një ekspozitë në gravurë dhe po përgatitej për një tjetër. Urime dhe suksese, Tasos!” përfundoi Berisha dhe shtoi albumin me foto nga vizita në studio.

Kujtojmë se këto ditë, Kryetari i PD-së ka nisur një tur takimesh me intelektualë dhe qytetarë të zonës së Kolonjës, si në Prrenjas, Ersekë, Pogradec etj.