Shefi Organizativ i PD-së Klevis Balliu, i ftuar në SYRI TV me moderatoren Megi Fagu, ka folur për aferën Rama-Mcgonigal dhe përpjekjet për shkatërrimin e opozitës.
Sipas Balliut, Rama duhet të kishte dhënë dorëheqjen por ai nuk e jep dorëheqjen sepse e di fare mirë se një përfshirje e tillë në një krim global si ky që ka ndodhur do ta rrezikonte atë edhe me burg.
Gjithashtu Balliu akuzoi Ramën se me këtë aferë ai tentoi të vriste opozitën dhe e tentoi me një agjent të dyfishtë në shërbim të Kremlinit, i cili ishte dhe shefi i kundërzbulimit të FBI-së.
Balliu: Rama duhet të kishte dhënë dorëheqjen por vetë partia e tij duhet ti kishte kërkuar dorëheqjen jo vetëm si Kryeministër por edhe si kryetar i Partisë Socialiste.
Nuk më habit fare që Edi Rama nuk e jep dorëheqjen sepse ai e di fare mirë se një përfshirje e tillë në një krim global si ky që ka ndodhur do ta rrezikonte atë edhe me burg dhe në këtë kontekst atij i duhet pushteti i kryeministrit jo për Shqipërinë, jo për partinë jo për qytetarët por për tu mbrojtur nga burgu.
Çfarë është kjo aferë në vetëvete. Kjo është një lojë agjenturore e dyfishtë tejet e rrezikshme e cila ka të bëjë me sigurinë e ShBA por edhe të partnerëve të saj. Po ashtu ka të bëjë shumë me sigurinë në Shqipëri. Në Shqipëri po tentohet devijimi i linjës sonë perëndimore dhe euroatlantike nga një njeri i cili lidhjet më të forta i ka me agjenturat ruse dhe me njerëzit afër Kremlinit.
Oligrku rus njeriu më i afërt i Putinit por është edhe investitori strategjik i Edvinit. Sot gjithë bota sheh lidhjet e Edi Ramës.
Së dyti ati tentoi të vriste opozitën me këtë marrëveshje dhe e tentoi me një agjent të dyfishtë në shërbim të Kremlinit, i cili ishte dhe shefi i kundërzbulimit të FBI-së.
Me këtë njeri ai kërkoi ekzekutimin e opozitës dhe pluralizmit në Shqipëri. Të njëjtën gjë i kishte kërkuar oligarku rus agjentit, të eliminonte kundërshtarët e tij politik dhe në biznes.
Ky njeri që sot është investitor strategjik i Ramës është në sanksione për vrasjen e një biznesmeni.
Këtu ka hyrë KGB-ja në Kryeministri. Rama dhe ministrat e tij janë rritur në shtëpitë që ruheshin nga KGB-ja