‘Washington Examiner’ publikon detaje tronditëse nga skandali Rama-McGonigal. Prestigjiozja amerikane shkruan se si ish-shefi i lartë i FBI-së rregullonte punët e kryeministrit shqiptar Edi Rama, i cili e ka kthyer Shqipërinë në një vatër korrupsioni dhe në një narkoshtet të fuqishëm. Në artikull po ashtu pretendohet se McGonigal ka zhvatur biznesmenët shqiptarë duke u marrë shuma marramendëse parash në këmbim të mosmarrjes së sanksioneve nga SHBA

Hetimet për aferën Rama-McGonigal kanë marrë një kthesë shokuese. Media amerikane ‘Washington Examiner’ ka zbuluar detaje të reja tronditëse.

Në artikullin e titulluar “Shkundja shqiptare, një tjetër kthesë në skandalin e ish-zyrtarit te FBI-së Charles Mcgonigal”, theksohet se McGonigal ishte personi qe rregullonte punët e Edi Ramës, dhe nga ana tjetër thuhet se Shqipëria nën drejtimin e tij është kthyer në vatër korrupsioni dhe narkoshtet me lidhje të forta me kartelet e Amerikës Latine

“McGonigal, ndërsa shërbente ende si një zyrtar i lartë i FBI-së, u bë personi që rregullonte punët e kryeministrit të Shqipërisë Edi Rama dhe Partisë së tij Socialiste në pushtet. Shqipëria është aleat dhe anëtar i vendosur i NATO-s, por që kur Rama mori pushtetin në Tiranë një dekadë më parë, ai vend i vogël është kthyer në një vatër korrupsioni, plus narkoshteti kryesor i Evropës, me lidhje të thella me kartelet e drogës në Amerikën Latine. Pse administrata Biden mbyll një sy ndaj gjithë kësaj, mbetet një pyetje shqetësuese. Blerja e zyrtarëve të lartë amerikanë si McGonigal është pjesë e mënyrës se si Rama vazhdon ta arrijë këtë gjë. Opozita shqiptare është e shqetësuar për këtë skandal, ku shfaqet një zyrtar i lartë i inteligjencës amerikane që rregullon punët për socialistët në pushtet".

Ne artikull pretendohet se McGonigal ka zhvatur edhe shume biznesmenë shqiptare nen kërcënimin e sanksioneve.

"Burime të nivelit të lartë shqiptar, të cilët dëshmuan sjelljen e tmerrshme të McGonigal, ndërsa ai ishte në atë vend, rrëfejnë se zyrtari i lartë i FBI-së ka kryer një operacion zhvatjeje kundër shqiptarëve të pasur për përfitime personale. McGonigal u thoshte shqiptarëve të suksesshëm, të cilët jo të gjithë ishin nën zemërgjerësinë e qeverisë së Ramës, se ata përballeshin me rrezikun e sanksioneve të afërta nga SHBA, të cilat do të shkatërronin bizneset e tyre, do t’u sekuestronin llogaritë bankare dhe do u jepnin fund udhëtimeve të tyre jashtë.

Megjithatë, McGonigal mund ta rregullonte këtë problem me një tarifë modeste prej disa milionë dollarësh. Mesazhi ishte i qartë: Më paguani ose do të shkatërroni jetën tuaj. Shqiptarët e shqetësuar e morën seriozisht këtë kërcënim, duke pasur parasysh pozicionin e McGonigal në FBI, dhe shumë prej tyre e paguan. Disa kanë paguar ‘vetëm’ 3 milionë euro. Të tjerë paguanin shumë më tepër”.

Burimet ballkanike thonë se përfitimet e McGonigal nga kjo aferë tronditëse ishin në masën 30 milionë euro, por mesa duket kjo ishte e ndarë me partnerët e tij shqiptarë.

“Ku shkuan paratë? Ky nuk ishte gjasa të ishte një operacion parash të thata, duke pasur ndjeshmërinë e tij, dhe burimet e inteligjencës ballkanike më thonë se kriptomonedhat, përfshirë Bitcoin, ishin të përfshira. Kjo kërkon një hetim urgjent nga Kongresi. Ajo për të cilën Departamenti i Drejtësisë ka paditur McGonigal, duket si maja e vogël e një ajsbergu ballkanik jashtëzakonisht të korruptuar”.

Shkrimi mban firmën e John R. Schindler i cili ka shërbyer në Agjencinë e Sigurisë Kombëtare të SHBA si analist i lartë i inteligjencës dhe oficer i kundërinteligjencës. Schindler ka publikuar 4 libra, teksa njihet ndër të tjera si ekspert sigurie, i specializuar në çështjet e spiunazhit dhe terrorizmit.