Në skemë janë të përfshirë edhe agjentë të tjerë, shkruante ajo.Një prej tyre është Mark Rossini, kurse tjetri është Lou Bladel, që ka shërbyer në postin e shefit të kundërzbulimit të FBI në Nju Jork përpara se këtë detyrë ta merrte Charles McGonigal.
Edhe Bladel u përdor kundër opozitës shqiptare. Madje këtë fakt e zbulonte me krenari gazetari i qeverisë, Sokol Balla.
Në tetor të vitit 2018, ai lajmëronte me krenari se Bladel është njeriu që po heton dosjet e korrupsionit dhe akuzat e opozitës.
“Burimet: ish-agjenti i FBI, Lou Bladel që përgjoi David Petraeus dhe Eduard Snowden, në krye të grupit investigatv që po heton dosjet e korrupsionit dhe akuzat e opozitës,”shkruante Balla më 8 tetor të atij viti.
Në dosjen hetimore të Departamentit të Drejtësisë për rastin e Charles McGonigal, thuhet se ky i fundit është takuar të paktën katër herë me kryeministrin shqiptar, Edi Rama.
Në dy raste, Rama është takuar dhe ka darkuar në SHBA më McGonigal. Në një rast ka darkuar në Nju Jork dhe në rastin tjetër në Uashington.
Por në darkën e Uashingtonit më 4 mars të vitit 2018, përveç McGonigal dhe Agron Nezës, i pranishëm ka qenë edhe një ish-agjent special i FBI. Kështu thuhet në dosjen amerikane të Ramës. Bëhet fjalë për ish-agjentin special, Lou Bladel.
