Kryetari i Partisë Demokratike Sali Berisha ka reaguar edhe njëherë tjetër në lidhje me aksionin e opozitës shqiptare dhe betejën e saj me regjimin e Edi Ramës.
Në postimin e tij në Facebook, Berisha thekson se ky regjim është më i egër se çdo pushtim që shqiptarët kanë në histori dhe se ky regjim me politikat që ka ndjekur, me varfërimin masiv të shqiptarëve, me shndërrimin e votës në një letër pa vlerë, ja u ka nxir jetën shqiptarëve.
Berisha:Do jemi në betejë, duhet të bëjmë gjithçka me pasion me sakrifica. Ne do përdorim çdo mjet të mosbindjes civile për t’i shkurtuar ditët dhe për të përmbysur këtë regjim. Ky regjim është më i egër se çdo pushtim që shqiptarët kanë në histori. Ky regjim me politikat që ka ndjekur, me varfërimin masiv të shqiptarëve, me shndërrimin e votës në një letër pa vlerë, ua ka nxirë jetën shqiptarëve.
A mundet ne ta pranojmë për kryeministër, një njeri që vjedh shqiptarët, i varfëron, i mjeron dhe i degdis në dhera të tjera? Nuk ka dënim më të madh që do na bëjë historia nëqoftëse nuk e shporrim atë dhe regjimin e tij.
