"Me çrrënjosjen përfundimtare të monizmit në nivelin vendor, - tha Ilir Meta, -  dhe të moniozmit si forma më e neveritshme e rikthimit të diktaturës së një pakice uzurpatore ndaj shumicës dërrmuese të qytetarëve me votën e tyre në 14 maj ne do japim nje model krejt tjetër e mbështetje shumë të madhe përmes bashkive ku opozita do fitojë në mënyrë dërrmuese dhe të mënyrës së drejtimit të këshillave bashkiake që nuk ekzistojnë por vetëm firmosin fap e fap.

Jo rastësisht kemi zgjedhur që në krye të listave të kemi sa më shumë figura personalitete intelektualë e pedagogë që do i japin tonin jo vetëm mbështetjes për arsimin në bashkitë e tyre e për të rinjtë e fëmijët por do tregojnë se ca dallim i madh ekziston kur pushtetin ia lë në dorë bandave dhe sa dallim është kur pushtetin ua jep intelektualëve.

Dallimi më i fortë do jetë në Elbasan që falë Rilindjes u shndërrua në qytetin më të kriminalizuar të vendit, Elbasani falë Rilindjes u shndërrua në qytetin e dytë më të varfër të Shqipërisë që ka potenciale të jetë të paktën një në 4 qytetet më të begata.

Është e mrekullueshme që është një kandidat me cilësi të jashtëzakonshme, një figurë tashmë kombëtare, sic është prof. Luçiano Boçi, që do të drejtojë bashkinë e Elbasanit.

Do ta shohin qytetarët e Elbasanit dallimin në pak jave e pak muaj e do jetë dallim që do frymëzojë ndryshime të mëdha kudo se duhet qe qendra e gravitetit të vendimmarrjes të spostohet drejt mendjeve më të ndritura të cdo komuniteti duke i dhënë fund përjashtimit e nëncmimit të intelektualëve."