Njeriu që vrau shpresën opozitare të shqiptarëve për katër vite, shiti në tavolinë çdo kauz opozitare. Njeriu që do të mbahet mend si i pari kryetar opozite në botë që zgjodhi të pasurohet dhe jo të bëhet kryeministër, që është qëllimi i çdo kreu opozite.
Njeriu që u përdor nga dyshja Rama - Veliaj, ditët e fundit, për kullat po klith i dëshpëruar.
Pasi tutorët e tij e përdorin dhe e flakin në koshin e plehrave sa herë duan po gërthet me zë të çjerrë nga vapa e gushtit.
Njeriu që përdoret njëherë nga Edi Rama vetë, njëherë nga Taulant Balla dhe njëherë nga Erion Veliaj klith i dëshpëruar nga vetmia. Njeriut që Edi Rama i ka lënë vulën dhe simbolet e Partisë Demokratike në dorë për ta përdorur si pengmarrës të opozitarizmit në vend, e ka kuptuar që është në vetmi pa kthim.
Ka mbetur vetëm me një grusht servilësh që i numërohen me gishtat e dorës. Pa deputetët, pa anëtarë partie, pa struktura, pa asgjë.
Njeriut që i bëjnë PR (komunikimin publik) mediat e pushtetit, të kontrolluara nga Rama dhe Veliaj, sulmon Sali Berishën, që i dha dinjitet e pushtet, e që nuk diti të administrojë as njërën, as tjetrën.
Luli, është i dëshpëruar, i vetmuar, i përdorur e shtrydhur.
E në këtë vapë gushti, i bën thirrje SPAK-ut të hetojë Berishën.
Por që, vetëm pak muaj më parë, u tërhoq me bisht ndërshalë nga gjyqi ndaj Veliajt për vilat që fitoi në këmbim të pazareve të shitjes së kauzave opozitare.
