Aksioni i sotëm i opozitës në Parlamentin e Shqipërisë ka gjetur hapësirë edhe në rrjetin prestigjioz britanik, BBC.
Televizioni publik i Britanisë së Madhe ka transmetuar në faqen e webit edhe një video nga skenat në sallën e seancës plenare ku opozita ndezi tymuese.
“Politikanët e opozitës shqiptare ndezën tym dhe zjarr në Parlament në një përpjekje për të ndaluar votimin e dhomës për buxhetin e 2024-ës. Ligjvënësit e opozitës po protestonin kundër asaj që ata thanë se ishte një sundim gjithnjë e më autoritar nga Partia Socialiste në pushtet”, shkruan BBC.
