Sot, në 16-vjetorin e Pavarësisë së Kosovës, Kryetari i PD-së, Sali Berisha, ish-president dhe ish-kryeministër i Shqipërisë, ka publikuar një seri fotografish nga takimet e tij me Presidentin historik të Kosovës, Ibrahim Rugovën.
“Album me foto me Presidentin e pavdekshëm të Kosovës, Ibrahim Rugova”, është përshkrimi që ka bërë Berisha mbi to.
Po sot, lideri i opozitës shqiptar, publikoi edhe një shënim me titullin: "16 vite, Kosovë e pavarur!" ku ndër të shprehej: "Pavarësia e Kosovës është vepër e arkitektit të saj, politikanit mëndjendritur të kombit shqiptar, Presideniti Ibrahim Rugova, Gandit të Ballkanit dhe Europës që thuri tek shqiptarët e Kosovës ëndrrën e tyre më të bukur, më fisnike të njeriut të civilizuar për lirinë dhe pavarësinë e vendit dhe që ngriti në kushtet e pushtimit më të egër Republikën e Kosovës, pushtetin e shqiptarëve të shtypur paralel me pushtetin e pushtuesve barbar. Presidenti Rugova arriti ta shndërrojë kauzën e lirisë së shqiptarve të Kosovës në çështje kryesore të axhendes të SHBA dhe vendeve të lira perendimore!"
