Ai ka publikuar denoncimin e një mjekje të QSUT e cila ka dhënë detaje për këtë skandal të madh i cili po tentohet të fshihet nga Ministrja e Shëndetësisë.

POSTIMI I PLOTE

Fshehin djegien e madhe të spitalit të sapo inauguruar!

Asnjë përgjegjësi për djegien e spitalit që kushtoi miliona euro.

Krim i shëmtuar!

Lexoni denoncimin e mjekut dixhital!

Përshëndetje Dr, jam mjeke në QSUT. Doja të ndaja një informacion:

në katet nëntoke të spitalit të sëmundjeve të brendshme dhe kirurgjisë abdominale - që u përurua para 6 muajsh, investim disa milionë euro - janë djegur bateritë, USB dhe rrjeti elektrik e nuk dihet deri ku ka shkuar karbonizimi.

Të gjitha pajisjet diagnostifikuese (rezonanca, skanerat, ekot, laboratori) janë jashtë funksioni - pajisje me vlera të mëdha monetare - pacientet janë shpërndare në spitale të tjera.

Tashmë nuk ka asnjë shërbim e shtrim - spitali është në kolaps e jashtë çdo funksioni. Nuk ka asnjë vlerësim të situatës, as afate kohore per ndreqjen e rrjetit dhe kthimin në normalitet.

Mbase është mirë t’i kushtohet vëmendje - Top channel e ka dhënë shkarazi sipas njoftimit të ministres, kurse mediet e tjera s’e kanë përmendur fare për shkak të presionit nga ministria e cila bën gjithçka që të minimizohet dhe të shmanget hetimi dhe nxjerrja e përgjegjësive për zjarrin që dogji spitalin e ri. Ministria dhe drejtoria nuk lejojnë punonjësit të futen në katet e nëndheshme të shkrumbuara. Të pasigurta janë edhe vetë themelet e ndërtesës

Mjekët janë nën presion sepse u është ngjeshur puna - nga 5 të sëmurë, po punojnë këto ditë e s’dihet deri kur me 25 të sëmurë me diagnoza të rënda terminale.

Problemi fillon që në ngritjen e spitalit - i cili u konceptua me gjysmën e kapacitetit të shtretërve dhe të gjithë shërbimeve, edhe pse Tirana ka përqendrimin e popullsisë dhe spitali i ndërtuar para viteve ‘90 (kirurgjia e vjetër) kishte 2 herë më shumë mundësi për shtrime pacientësh e shërbimesh.

Ju lutem bëjeni publike këtë dëmtim të madhe të spitalit të sapo inauguruar me pompë të madhe nga Rama.