Ushkuret e drejtësisë së re ranë para Xhaçkës!

E mërkurë, 27 Mars 2024 13:23

Gjergji i dikurshëm, apo Jorgo Goro i sotëm, duhej bërë shembull. Së pari ikte një “i paaftë që flinte gjumë në kohë sezoni”-(sikurse e cilësonte kryeministri Rama), dhe së dyti, merrej “hak” për kokëçarjen e përkohëshme që i solli kryerilindasit pasi nuk qe në gjendje që të mundte një copë Beler… Më kryesorja dhe arsyeja e vërtetë që Jorgo bën burg për të tjerët, është se më prangosjen e tij drejtësia e re fshehu çelësat e qelisë ku mund të bujtte bashkëshorti i dy herë ish-ministres, Olta Xhaçka.

Mishi u poq e “helli Jorgo” u dogj fare pak me një akuzë të lehtë si “shpërdorim detyre”. Vetë i mërzituri Goro bën ca hesape për të kryer pak muaj burg, më pas mund t’i ndryshohet masa e sigurisë e në fund të shpresojë t’ia hedhë si shumë ish-zyrtarë të tjerë që dalin të lirë, ose dënohen me burg me kusht. 

 

Ish-kryebashkiaku i Himarës i është mirënjohës kryeministrit edhe në ditët më të vështira. Në një lloj mënyre hapi vetë derën e burgut, për të mos çelur kurrë gojë për atë që di … Loja është shumë më e madhe sesa Gjergji Goro që u bë grek me letra dhe e ktheu emrin në Jorgo Goro. Si mundet të çelë gojë dhe të thotë sesi çifti lumtur Gaçi-Xhaçka erdhën një ditë të bukur në Himarë, panë një copë bregdet dhe thanë: “këtë e duam ne”?

Në Himarën ku oligarkia ka derdhur beton, Jorgo ishte thjesht një ndërjetës i vogël për pushtetarët e mëdhenj, njëra si ministre në ngritje si Olta Xhaçka që Rama i besoi mbrojtjen dhe diplomacinë dhe bashkëshortin e saj Artan Gaçi. Për rastin konkret nuk është çështja vetëm tek 10 mijë metra katrorë tokë në bregdet që ia dhanë Gaçit të Xhaçkës duke e shpallur “investitor strategjik”, por mjaft e rëndë është fakti që SPAK në mënyrë kirurgjikale përjashton nga përgjegjësia si çiftin e lumtur, ashtu edhe kryeministrin që në konflikt të hapur interesi e shpall “investitor strategjik” ministren e tij.

Po ashtu SPAK fshehu të dhënën e palundërshtueshme që kompania e Gaçit për tu ruajtur nga ndonjë reagim, ia kaloi të drejtën e ndërtimit të hotelit luksoz një kompanie amerikane me nënkontratim, por “kjo amerikania” ishte kunata e Xhaçkës… Lidhja duket fortë e qartë mirëpo një prokurori e kastruar që në lindje nga pushteti dhe ndërkombëtarucë të lidhur me të, sot po bëhen gazi i botës…

Që pushtetarët e tanishëm frymojnë çdo sekondë me afera të rënda korrupive kjo nuk është asfare e re, por që drejtësia e re të kthehej në mashë në duart e Ramës në fillim pak e bësuan, ndërsa sot shumica janë të bindur se sistemi i drejtësisë e ka regjinë qëndrore në kryeministri.

Belerin e poqi Rama dy ditë para zgjedhjeve, Goron e tij e dogji paksa, fali Xhaçkën dhe Gaçin dhe njëkohësisht ka në duar një kartë për të bërë politikë në emër të patriotizmit fort të shtitur me zyrtarët grekë që edhe ata vijnë përqark me flamuj nacionalizmi, pa e kuptuar se Himara dhe e gjitha pasuria e vendit është vatër e hajdutërisë së pushtetit, oligarkisë dhe krimit që pastron paranë.

Login to post comments

Lajmet e fundit

‘Ajo që ndodhi të enjten, puç parlamentar’, Vokshi: Vutë grupin parlamentar mbi Gjykatën Kushtetuese

Politikë

‘Ajo që ndodhi të enjten, puç parlamentar’, Vokshi: Vutë grupin parlamentar mbi Gjykatën Kushtetuese

  Deputetja e Partisë Demokratike Albana Vokshi, ka deklaruar se me vendimin e marrë të enjten në Kuvend për mos dërgimin në Gjykatën Kushtetuese të mandatit të Olta Xhaçkës, ka rënë...

Kalaja kallëzon në prokurori Ballën: SPAK t'i sekuestrojë telefonin dhe...

Politikë

Kalaja kallëzon në prokurori Ballën: SPAK t'i sekuestrojë telefonin dhe...

    Anëtarja e Komisionit të Apelimit në PD, Adriana Kalaja ka bërë një kallëzim penal për Taulant Ballën dhe individë të tjerë, të cilët sipas Kalasë kanë kryer shkelje nga më të rëndat...

Aksident në Santorini, humb jetën 29-vjeçari shqiptar

Kronikë

Aksident në Santorini, humb jetën 29-vjeçari shqiptar

  Një aksident rrugor ka ndodhur në ishullin grek të Santorinit, ku viktima është një 29-vjeçar me origjinë shqiptare. Sipas informacioneve të para, ngjarja ka ndodhur kur motori që drejtohej nga 29-vjeçari...