Veliaj ka dalë sot përsëri në një shfaqje me punonjës të bashkisë Tiranës, të cilët së fundi po i tërheq për hundësh si dekor për të kamufluar vetminë dhe ka përsëritur sërish mashtrimin e 1-milion pemëve të mbjella në Tiranë, gjë të cilën e rrëzoi Banka Botërorë vetëm pak ditë më parë me një raport ku e radhiste Tiranën në një prej qyteteve me reduktimin më të lartë të sipërfaqeve të gjelbërta në 7 vitet e fundit.
“Raporti i Bankës Botërore mbi gjendjen e ekonomive të Ballkanit Perëndimor ka rrëzuar përfundimisht tezën e Tiranës së gjelbër dhe miliona pemëve duke e ekspozuar atë si një nga mashtrimet më të mëdha publike.
Sipas BB, në 7 vitet e fundit Tirana jo vetëm që nuk është bërë më e gjelbër, por përkundrazi ka shënuar reduktim të sipërfaqeve të gjelbra.
Qytetet e mëdha të rajonit, si Beogradi, Shkupi, Sarajeva dhe Prishtina dëshmuan një rritje të sipërfaqes së gjelbër midis 2015 dhe 2020, ndërsa Tirana, Tetova dhe Prizreni përjetuan rënie në mbulesën e gjelbër,” thuhej në raport.
Pasi ka përsëritur mashtrimin për të disatën herë, Velij u është sulur sërish analistëve të cilët nuk janë pjesë e enturazhit të tij propagandistik duke i etiketuar me epitete si bixhozxhinj, sharlatane etj.
Veliaj mendon se siç tallet me prokurorët e SPAK, të cilën i quan kolegë me tek të cilët kishte shkuar vetë për të çuar dosje dhe pirë kafe, kujton se të njëjtën gjë mund të bëjë edhe me analistët.
Veliaj duket se është braktisur nga Rilindasit, me urdhër të Ramës gjë që duket se është kuptuar dhe nga “ushtria e patronazhistëve” të cilët i përdor për shikime, pëlqime e komente në eventë “live”.
Foto e më poshtëme janë kapur pas më shumë se 20 minutash që Veliaj ka hyrë “Live” në Facebook dhe siç shihet vetëm 90 veta e ndjekin.
I braktisur dhe i frikësuar se Rama e ka paketuar për atje ku ka çuar shokët e tij me parë, ish-bashkëpunëtorë të afërt, Lali ka lëshuar gojën dhe po tregon fytyrën e tij të vërtetë, atë të armikut të medias së lirë, thashethemaxhiut publik që merr nëpër gojë këdo që i del përpara dhe sigurisht kreut të bandës “5D” që përlau miliona euro nga taksat e qytetarëve të Tiranës.
