Rama premton prapë, Meta: Manovra! Si mjaftuan 11 vjet për t'i bërë reformat që tha?! Legalizimet, ujin, drejtësinë...

E mërkurë, 08 May 2024 16:50
Presidenti i Partisë së Lirisë, Ilir Meta, e ka parë si gënjeshtër të radhës nga Kryeministri Edi Rama, ngritjen e të ashtuquajturit "Komision të Posaçëm Parlamentar, i cili të adresojë ndërmarrjen e reformave që synojnë mirëqeverisjen, sundimin e ligjit dhe antikorrupsionin për Shqipërinë 2030 në Bashkimin Europian". 
 

“Lidhur me këtë manovër dhe gënjeshtër të radhës, unë them si nuk i mjaftojnë 11 vjet këtij njeriu për të bërë reformat e premtuara prej 11 vjetësh?! – ngriti pyetjen Meta para gazetarëve. - Këtij që premtoi të realizonte legalizimin që në mandatin e parë dhe e di nënë Liza, që e shikoni ju çdo ditë në protesta para bashkisë dhe mijëra e mijëra qytetarë në Tiranë se si e mbajti ky premtimin që flaku shqiptarët e ndershëm dhe sakrificat që bënë ata dhe fëmijët e tyre në emigracion në mes të rrugës. 

 

Ju e dini reformën e madhe që do të bënte ky, të ujësjellësit që premtoi, që në një mandat do të zgjidhte punën e ujit në të gjithë Shqipërinë!!! Tani më ka ngelur mua që të kacavirem e të hipi atje te depozitat që të fillojnë të mendojnë një zgjidhje ose t’i lyejnë ato depozitat që të mos ngjajë Tirana aq e shëmtuar, se ujit këta nuk i bëjnë dot derman, edhe pse premtuan “ujë Korçe si cilësi”, por “me çmim Bathoreje”, thanë ata.  E dinë të gjithë qytetarët e Tiranës sesa shtrenjtë e paguajnë ujin, më keq se frëngu pulën dhe shumë zona të Tiranës e ende nuk kanë ujë, por depozita ama ka në çdo pallat e çdo familje.

Ky nuk la premtim pa bërë e reformë pa bërë, po në vend që të bënte reforma, bëri vetëm “Rama-forma”, pra gjithçkaje i dha formën e vet, përfshirë këtu edhe reformën në drejtësi që e ktheu në një Rama-form; edhe reformës në administratë, që e ktheu në një Rama-form.

A nuk ishte ky që premtoi me rastin e reformës administrativo-territoriale që do të ulej numri i bashkive dhe komunave dhe u ul në mënyrë drastike nga gati 400 në 61, se do të ulej numri i administratës, me qëllim që këto fonde të investoheshin në shërbime për komunitetet?!

Ku jemi sot?! Është dyfishuar numri i administratës në pushtetin vendor. Jo vetëm kaq. Është gati dyfishuar numri i administratës publike në tërësi ndërkohë që Shqipëria në këto 11 vjet është shkretuar. Gati 1/3 e qytetarëve janë larguar dhe këta kanë tmerr të publikojnë edhe të dhënat më të fundit të censusit sepse kanë dhe problemin se s’u dalin llogaritë me votat dhe pjesëmarrjen në votimet e fundit. Kështu që nuk e di se për çfarë shteti bëhet fjalë!”

Login to post comments

Lajmet e fundit

‘New York Times’: Nedim Bajrami, rekordmeni i Euro 2024 që shkoi në gjykatë për të luajtur për Shqipërinë

Sport

‘New York Times’: Nedim Bajrami, rekordmeni i Euro 2024 që shkoi në gjykatë për të luajtur për Shqipërinë

Nga Nick Miller, New York Times   Evropa nuk ishte rehatuar ende mirë për të ndjekur ndeshjen Itali-Shqipëri të shtunën, kur e gjithë loja u kthye përmbys.   Kishin kaluar njëzet e tre sekonda...

“Gjimshiti ka mundësinë të drejtojë Shqipërinë këtë Europian”, Silvinjo: Kemi kundërshtarë të fortë, por çdo gjë mund të ndodh gjatë 90 minutave

Sport

“Gjimshiti ka mundësinë të drejtojë Shqipërinë këtë Europian”, Silvinjo: Kemi kundërshtarë të fortë, por çdo gjë mund të ndodh gjatë 90 minutave

    Trajneri i Kombëtares shqiptare, Silvinjo po zhvillon një konferencë për shtyp, në prag të ndeshjes së ditës së nesërme kundër Italisë, në “Signal Iduna Park” të Dortmundit. Ai shprehet se...

Përfaqësuesja e D’Alema në Tiranë drejton kompaninë e ndërtuesit të resortit në Himarë

Politikë

Përfaqësuesja e D’Alema në Tiranë drejton kompaninë e ndërtuesit të resortit në Himarë

  Nga Boldnews.al Në fillim të këtij qershori, portal informativ Italian “Open.online” ngriti dyshimet se ish-kryeministri i Italisë, Massimo D’Alema, është pjesë e një grupi investitorësh që kanë përfituar nga shefi i qeverisë së...