Gazetari i SYRI TV, Julian Hoxhaj i ftuar në Edicionin e Pasdites në SYRI TV, ka folur në lidhje me raportin e OLAF në lidhje me abuzimet e fondeve të BE-së për bujqësinë, të programit IPARD.

Hoxhaj deklaroi përballë moderatorit Edvin Parruca se, dosja ka ardhur e plotë në SPAK, por nuk dihet ende se pse nuk ka nisur hetime. 

‘Mekanizmat se si ndahen paratë e projektit IPARD i propozon qeveria shqiptare dhe i miraton BE-ja.

Më pas sillen paratë në vend dhe i shpërndan qeveria shqiptare.

Ministria dhe AZHBR-ja duhej të kontrollin ku shkonin këta para, por kjo hallkë nuk ka funksionuar, pasi janë të gjithë të përfshirë.

Ndaj duhet sot të hetojë SPAK. Prandaj BE-së  ju desh një denoncim nga Shqipëria që të kuptonin se çfarë ndodhte me paratë e tyre.

Topi mbetet në fushën e SPAK për ta bërë publike këtë skemë. Dosja ka shkuar dhe OLAF thotë se e kemi dorëzuar në institucionet shqiptare.

Nuk e di çfarë pritet, se pse po vonohet. Ndoshta është ende tek dera dhe nuk është futur brenda zyrave të prokurorëve.

Ndoshta dhe prokurorët e SPAK do ta kishin një lloj modeli për hetimin financiar’, tha gazetari Julian Hoxhaj në SYRI TV.