Nis protesta para Bashkisë së Tiranës, ku qytetarët kërkojnë dorëheqjen e kreut të bashkisë, Erion Veliaj. 

"Hajduti Veliaj të marrë ndëshkimin", është kjo thirrja e protestuesve para bashkisë. 

Ata shprehen të vendosur se do të futen brenda ambienteve të bashkisë dhe do të largojnë Erion Veliajn. 

Protesta para kësaj bashkie po zhvillohet për skandalet që kanë ndodhur në këtë institucion që drejtohet nga Erion Veliaj, si afera e inceneratorëve dhe dosja "5D", ku janë arrestuar pas hetimeve të SPAK-ut, një sërë drejtorësh. 

Edhe vetë Veliaj u mor në pyetje nga SPAK-u për aferën e inceneratorëve, ndërsa gjykata ka lëshuar masa të tjera sigurie, me urdhër të prokurorit të posaçëm.