Kryeprokurori Olsian Çela, i cili si prokuror i Krimeve të Rënda ka hetuar dosjen "Xibraka", dhe ka veçuar dosjen ku pretendohet të jetë i përfshirë Olsi Rama, i shmanget pyetjes së Kryetarit të Grupit Parlamentar të PD-së, Gazment Bardhi, për këtë çështje.

Edhe pse u pyet në lidhje me veprimet e tij, si prokuror kur ka hetuar atë dosje, Çela u justifikua se në Parlament kishte ardhur për raportin veprimtarisë së prokurorisë për vitin 2023.

‘Mund të përgjigjem vetëm për veprimtarinë e prokurorisë në vitin 2023’, është shprehur kryeprokurori Olsian Çela që gjatë hetimit të dosjes ‘Xibraka’ kishte veçuar dosjen ku pretendohet se është Olsi Rama.

Ky i fundit ditën e premte ishte në SPAK për të dhënë dëshmi pasi prokuroria e posaçme ka rihapur dosjen ‘Xibraka’.