Për analistin, Enton Abilekaj, opozita, mbi të gjitha Partia Demokratike duhet t'i bëjë denoncimet para dyerve të Ramës.

I ftuar në edicionin e pasdites me moderator, Edvin Parruca, analisti thotë se denoncimet nuk mund të bëhen në një institucion si SPAK, që është nën varësinë e kryeministrit Rama. 

‘Opozita duhet të vazhdojë të punojë politikisht me denoncimet ndaj qeverisë që tashmë dihet se është e korruptuar. S’mund të kesh shpresë te vartësit e qeverisë. Protesta mund të bëhet të ata që kanë pushtet ndaj SPAK, jo te vartësit. Ajo që ndërkombëtarët e kanë quajtur drejtësi e re, kanë denoncuar për korrupsion me fondet e BE por që asgjë nuk është bërë për zhdukjen e këtyre fondeve. Porosisin atentate ndaj opozitës, protesta para SPAK s’ka vlerë, ajo është vënë në shërbim të Ramës dhe bën çfarë urdhëron ai. Do vazhdojë të gënjejë me statistika, do jetë më keq se Prokuroria e Krimeve të Rënda. Kjo drejtësi e varur nga Rama s’mund të ketë rezultate. Protesta duhet të jetë te Rama, as para Bashkisë së Tiranës apo te Veliaj, pasi s’ka vlerë. I dirigjon Rama të gjithë. SPAK po punon siç e urdhërojnë, provat e faktet se është në shërbim të Ramës,  janë 20 fletë-arrestet që u zhdukën’.

Sa i përket ‘përmbysjes’ së politikës amerikane, me tërheqjen e presidentit Joe Biden nga zgjedhjet presidenciale që do të mbahen në nëntor në SHBA, analisti Abilekaj thotë se priten ndryshime të politikës amerikane.

‘Mendoj se do ketë ndryshime, por se besoj që Shqipëria do të ketë përfitime, sidomos Kosova, duhet të ketë kujdes. Trump kur ishte në zyrën ovale pati afrime me Serbinë dhe Rusinë, madje vetë Vuçiç e përmendi që ne kemi një mik në Shtëpinë e Bardhë. Në të ardhmen, kur të kthehet Trump, fillimisht duhet të vendosë bazat e tij ekonomike në rajon. Për SHBA-në , problem është Kina, për të rregulluar marrëdhëniet diplomatike. Këtë problem e ka edhe BE, jemi të detyruar të bashkëveprojmë. Diplomacia tregtare të mos na prishë strategjinë kombëtare, siç Kosova që ka një aspiratë të parealizuar’, theksoi Enton Abilekaj