Revista e njohur gjermane, Spiegel, publikoi një shkrim të premten, që rrëzon përfundimisht qeverisjen e Edi Ramës si të korruptuar dhe të lidhur me krimin e organizuar.

Por revista thekson se Perëndimi ka mbyllur një sy përpara skandaleve dhe keqqeverisjes së Edi Ramës. 

Spiegel shton se vetë Edi Rama ka korruptuar ndërkombëtarët.

“A shet Rama ‘argjendin’ e vendit të tij në këmbim të vullnetit të mirë politik? Ish-agjenti i lartë i FBI-së, tashmë i dënuari, Charles McGonigal, pranoi se merrte ryshfet në Shqipëri për shërbime në interes të qeverisë. Ai ka pranuar edhe disa takime me Edi Ramën në godinën e qeverisë. Kryeministri mohon çdo shkelje.

“McGonigal u pagua nga njerëz të zyrës së Ramës”, pohon Sali Berisha, presidenti i parë i Shqipërisë që doli nga zgjedhjet e lira në 1992 dhe bashkëthemelues i Partisë Demokratike,” shkruan revista.

“Më kujtohet ende mirë diktatura e Hoxhës - as atëherë nuk ishte aq e centralizuar sa është tani nën Ramën,” thotë pothuajse 80-vjeçari, i cili mban një kravatë të verdhë në jeshile dhe mansheta argjendi me këmishën e tij të bardhë: “Shqipëria është një lloj diktature, shteti i parë dhe i vetëm i drogës në Europë”.

Berisha nxjerr tabletin e tij dhe tregon të dhëna që supozohet se vërtetojnë se edhe vëllai i Edi Ramës, Olsi, është i përfshirë në tregtinë e drogës. Olsi Rama i ka mohuar akuzat. Por Berisha këmbëngul në pretendimin e tij se Perëndimi është i verbër ndaj kushteve të vërteta në Shqipëri: "Ju po marshoni sytë e lidhur drejt një katastrofe",” thekson revista.