Bardhi tha se opozita nuk lufton për karrige në Kuvend, por për interesin publik. Sipas tij, Ervin Salianji është sot në burgun e Fierit, vetëm pse denoncoi lidhjet e familjes mafioze Xhafa me krimin e organizuar dhe trafikun ndërkombëtar të narkotikëve.

“Ne po djegim karriget tona. Ne nuk jemi këtu për karriget tona. Jemi këtu për të mbrojtur interesin publik. Salianji denoncoi lidhjet e Fatmir Xhafajt me krimin. Karriget tona janë të qytetarëve. Edi Rama ka djegur parlamentin”, tha Bardhi.

Bardhi: Rama i ka vënë flakën parlamentit, ne të parët djegim karriget tona. Ne nuk jemi këtu për karriget tona por për të mbrojtur interesin publik. Mbrotja e interesit publik është shndërruar në rrezik për cilindo që denoncon lidhjet e Edi Ramës me krimin e organizuar. E provoi i pari Kryetari i Partisë Demokratike, lideri i opozitës Sali Berisha i cili ka prej një viti në arrest shtëpie pasi ka vendosur që në mënyrë të vërtetë të përballet me regimin e Edi Ramës. I dyti ishte Nënkryetari i Grupit Parlamentar të PD-së, Ervin Salianji i cili denonoi lidhjet e familjes mafioze Xhafaj me krimin e organizuar me trafikun ndërkombëtar të narkotikëve dhe po e vuan sot prej 3 ditësh. Në vend që të ishte sot në bankën e parë të senacës plenare por sot prej 3 ditësh është në Burgun e Fierit. Prandaj dhe karriget tona janë të qytetarëve, Edi Rama ka djegur parlamentin, ne dorëzojmë karriget tona duke i djegur të parët pasi jemi këtu për qytetarët dhe interesin publik.

Pas fjalës së Bardhit dhe tensioneve në parlament, nga parlamenti u dha 10 minuta pushim, për qetësimin e situatës.

‘Ne jemi këtu për të thënë se jemi për interes publik. Jo, ne nuk kemi djegur mandatet. Ne nuk shmangemi nga beteja, do na kenë përballë në çdo moment’.