E drejta e emigrantëve për të votuar me ndryshimet e reja në Kodin Zgjedhor tashmë është në rrezik. Përfaqësuesit e Partisë Socialiste në Komisionin Rregullator të Komisionit qëndror të zgjedhjeve kanë votuar kundër ngritjes së sistemit që do regjistrojë emigrantët që duan të votojnë. Përfaqësuesit e PS kanë argumentuar se miratimi i këtij akti nuk është kompetencë e tyre por e Komisionerit Shtetëror të Zgjedhjeve, teksa afati i fundit për miratim është 14 nëntori.

Me 3 vota kundër, përfaqësuesit e Partisë Socialiste në Komisionin Rregullator të Komisionit qendror të zgjedhjeve kanë rrëzuar aktin për funksionimin e platformës për regjistrimin e emigrantëve. Afati i fundit për miratimin e këtij akti është 13 nëntori duke seriozisht në rrezik votimin e emigrantëve.

Vota kundër e përfaqësuesve të mazhorancës u argumentua që miratimi i këtij akti nuk ishte kompetencë e tyre por Komisionerit Shtetëror të Zgjedhjeve. Por përfaqësuesit e opozitës, Helga Vukaj dhe Muharrem Caka u shprehën se dhe akte e tjera për identifikimin dhe votimin elektronik janë votuar po nga kjo strukturë.

Tashmë mbetet që kjo vendimmarrje të kalojë për shqyrtim tek Komisioneri Shtetëror i Zgjedhjeve.