Presidenti i sapozgjedhur i SHBA-ve Donald Trump ka deklaruar se presidenti ukrainas Volodymyr Zelensky ‘dëshiron të ketë një armëpushim’ me Rusinë.

Trump foli me New York Post për diskutimin e tij me Zelensky gjatë vizitës së tij në Francë, ku ai dhe liderë të tjerë botërorë u mblodhën për hapjen e Notre Dame gjatë fundjavës.

Duke folur për Zelenskyn, Trump i tha gazetës ‘Ai dëshiron të bëjë paqe. Kjo është diçka e re.’

“Ai dëshiron të ketë një armëpushim. Ai dëshiron të bëjë paqe. Nuk folëm për detajet. Ai mendon se është koha, dhe Putini duhet të mendojë se është koha sepse ai ka humbur shumë, kur humb 700,000 njerëz, është koha për paqe. Nuk do të përfundojë derisa të ketë paqe”, shtoi Trump.

Presidenti i zgjedhur shtoi se ai “po formulon një koncept se si t’i japë fund asaj lufte qesharake”.

Putin është i bindur se Ukraina duhet të mbetet një ‘shtet neutral’ që nuk është pjesë e NATO-s. Ai pretendon se fuqitë perëndimore – veçanërisht SHBA dhe Britania e Madhe – po luftojnë me Rusinë përmes Ukrainës, të cilën ai e sheh si një shtet vasal.

Lufta tani po hyn në atë që disa zyrtarë rusë dhe perëndimorë thonë se mund të jetë faza e saj më e rrezikshme mes frikës se Trump mund të zvogëlojë në mënyrë dramatike ndihmën për Ukrainën, ndërsa ai kërkon të detyrojë një marrëveshje armëpushimi.