Organizatorët e protestës për ‘Rrugën e Kombit’ në Kukës, përmes një deklarate për mediat kanë bërë të ditur se në ditët e fundit ka pasur mesazhe kërcënuese ndaj tyre.
Sipas protestuesve veprime të tilla të turpshme, i bëjnë ata të ndihen edhe më shumë kurajoz.
“Duke marrë shkas nga disa veprime përndjekëse dhe kërcënuese ndaj komisionit për protestën në Rrugën e Kombit, theksojmë se, veprime të tilla të turpshme na bëjnë edhe më kurajoz dhe më të vendosur në qëndrimet tona të drejta, në mbrojtje të interesave të banorëve të Kukësit. I bëjmë thirrje organeve përkatëse të kryejnë detyrimet ligjore”, shprehet Komisioni organizativ i protestës.
Kujtojmë se pas protestës së mbajtur në 31 Mars 11 qytetarë kuksianë u arrestuan, ndërsa ende sot mbahen në burg 4 prej tyre./faxweb
