Dështimi i Ramës në Berlin është komentuar edhe nga nënkryetari i Partisë Demokratike, Edi Paloka.

Në një deklaratë për shtyp nga selia blu ai ka theksuar se pa Sajmir Tahirin në burg, nuk do të ketë anëtarësim në BE.

Fakti që Rama nuk ka mundur të fshehë dwshtimin e tij në Gjermani është përmendur edhe nga Paloka.

“Nuk prisnim sot që Edi Rama t’u thoshte të vërtetën shqiptarëve për vizitën e tij në Berlin”-ka thënë ai.

“Me keqardhje, duhet të pohojmë, se nuk ka vend për optimizëm, përsa kohë Edi Rama nuk ka përmbushur detyrat: të luftojë krimin e organizuar dhe korrupsionin, të shkëpusë lidhjet e politikës me krimin, të lejojë drejtësinë të veprojë me Saimir Tahirin. Këto janë parakushtet që Berlini pret të plotësohen që të hapë dritën jeshile për negociatat e Shqipërisë.

Edi Paloka është shprehur se pengesa e Shqipërisë nuk është opozita, pasi ajo ka dhënë mbështetjen e pakushtëzuar, por krimi dhe droga.

“Shqiptarët meritojnë ta dinë të vërtetën: pengesa e vetme për Shqipërinë Europiane është Edi Rama, lidhjet e tij me krimin dhe mbrojtja politike për Saimir Tahirin.”, ka përfunduar  Paloka.