Deputeti i Partisë Demokratike, Klevis Balliu, është shprehur se bizneset e kanë shpallur non grata Ramën. Duke iu referuar takimit që pati Kryeministri me biznesin e vogël sot, deputeti Balliu thotë se po ju merret fryma bizneseve nën qeverinë e Ramës për shkak të taksave, korrupsionit dhe burokracive.
“Pas presionit të tregtarëve me protesta në Pogradec, Vlorë, Shkodër, Fier, Tiranë, Korçë, Durrës dhe mbarë vendin, Rama detyrohet të ulet me bizneset për t’i dëgjuar.
Taksa të rritura, korrupsion dhe burokraci, me pak fjalë po ju merret FRYMA bizneseve nën qeverinë e Ramës. Por kryeministri përgjigjet me mushkonja dhe i irrituar.
I pasuruar me paratë e shqiptarëve Rama shpallet non grada nga bizneset. Abuzuesit e parave publike kanë vetëm një vend, NË BURG.
Mosbindja civile duhet të vazhdojë”, shkruan deputeti i Partisë Demokratike, Klevis Balliu.
