Kryeministri Edi Rama, bashkë me kreun e Bashkisë së Tiranës, Erion Veliaj, kanë nisur atë që ai e quan, llogaridhënien për punët që janë bërë nga drejtuesit e qeverisë dhe të bashkive që drejtohen nga e majta.

Që propaganda e Ramës të ishte e kuruar, ishte zgjedhur që takimi të bëhej në Bulevardin e Ri, i cili ishte projekt i Lulzim Bashës, kur ishte kryetar Bashkie.

Ajo që ra në sy, ishte pjesëmarrja në takim e deputetit të PS-së, Sadri Abazit, për të cilin kanë dalë mjaft dokumente që ka përfituar para nga Bashkia e Tiranës në mënyrë abuzive.

Abazi njihet ndër njerëzit e afërt të Ramës, dhe për këtë kompanitë e nipit të tij, kanë fituar tendera si nga Bashkia e Tiranës, po ashtu edhe nga institucionet qendrore.

Për Abazin flitet shumë në qarqe diplomatike, ku mësohet se DASH po përpilon që ta shpallë “Non grata”, pasi duke qenë deputet ka shpërdorur detyrën.

Dihet tashmë se kontributi i Abazit si deputetit i PS-së, nuk është asgjë më shumë se vjedhje dhe korrupsion, ku më pas i ndanë lekët me kryetarin e tij.

Të mos flasim pastaj për shkollimin, ku Abazi në CV që ka dorëzuar në Kuvend, ka deklaruar se ka kryer shkollën e lartë jashtë shtetit.

Këtë pretendim e ka rrëzuar po vetë, pasi në formularin që ka plotësuar në kuadër të Dekriminalizimit, ka deklaruar se nuk ka qëndruar më shumë se 1 javë, në ato raste kur ka dalë jashtë shtetit.

Për Ramën nuk kanë rëndësi njerëzit, por se kush është më i korruptuar apo kush jep më shumë lekë për të.

Në ato pak investime që bëhen nga Rama, pas tyre qëndrojnë fytyra të vjetra dhe të korruptuar siç është ajo e Sadri Abazit.