Ish-drejtuesi i lartë i Policisë Dritan Zagani, ka paralajmëruar se do të nisë një çështje gjyqësore ndaj shtetit shqiptar në gjykatën e Strasburgut.

“Unë vazhdoj luftën time dhe nuk shpresoj të marr drejtësi nga drejtësia shqiptare. Për mua ka rëndësi që Shqipëria aderon me të drejta të plota në Strasburg dhe shumë shpejt do shihemi atje”, tha Zagani në një intervistë me “Skype” në “SYRI.net”.

Ai hodhi akuza ndaj drejtësisë shqiptare për zvarritjen e çështjes së tij gjyqësore pa të drejtë. Zagani tha se akuzohet nga autoritetet për shpërdorim detyre pa prova, por me urdhër të Edi Ramës.