Saimir Tahiri ka shmangur median sot, duke dale me gjasë nga një tjetër hyrje e pallatit ku ai banon.

Ai është paraqitur pranë ambienteve të Gjykatës së Krimeve të Rënda, i shoqëruar nga dy oficerë të Policisë.

Tahiri dukej i qetë dhe në hyrje të sallës është parë vetëm me një dosje letrash në dorë. Ai ka ngatërruar për një moment vendin se ku do të ulet, teksa është orientuar më pas nga avokati i tij, Maksim Haxhia.

Ky i fundit ka deklaruar se duhet shfuqizuar vendimi ndaj Tahirit, i cili ndodhet ne arrest shtepie, pasi sipas tij ndaj ish-ministrit nuk ka asnjë provë kundër.

Ndërkohë brenda në sallë, Tahiri është ulur dhe ka komunikuar vetëm pak sekonda me avokatin e tij.

Nga ana tjetër përballë tij është ulur prokurori i çështjes, Besim Hajdarmataj.