Deputeti i PD-së Ervin Salianji në emisionin “Studio e Hapur” në News24, ka deklaruar se  përgjimin e Agron Xhafajt e ka bërë një gazetar.

Ndërsa në studio debatohej për autenticitetin dhe besueshmërinë e dëshmitarit X, Salianji tha se përgjimin mund ta ketë bërë një gazetar.

“Po sikur përgjimin ta ketë bërë një gazetar? Do i nxjerrim emrin ne. Mund ta ketë bërë një gazetar. Nuk po themi sot Agron Xhafaj nga ky panel do e fusim në burg. Ne kemi fakte:
1. Agron Xhafaj që thotë se po më sulmojnë vëllain.
2. Thotë që ata në Itali po zbërthehen.
3. Thotë mos më kërko më ndihmë se po na sulmojnë. 4. Vëllai i tij ka falsifikuar nenin.
Këtu është ujku ça gjurmësh kërkojmë ne. Si s’paska moraliteti këtu.
Bëj çfarë të duash se këtu nuk ka moralitet. Të njëjtën gjë thoshin për Elvis Rroshin, për Saimir Tahirin, për 2-3 deputetë të qarkut të Lezhës. Ne po diskutojmë këtu ne prokurorët dhe gjykatësit është provë apo nuk është provë.
Kjo është provë. Agron Xhafaj ka shkuar për të mos shkuar në Prokurorinë e Krimeve të Rënda”, deklaroi Salianji.