Partia Demokratike ka përcaktuar tashmë edhe vendin ku do të mblidhen protestuesit që do t’i bashkohen thirrjes për të protestuar kundër qeverisë.

Ndërkohë që deri në fundjavë ende nuk kishte një vend të saktësuar për mbajtjen e protestës, pasi diskutohej ose te Kryeministria, ose te Ministria e Brendshme, tashmë PD ka vendosur të protestojë para zyrës se Ramës.

Në logon e protestës që kreu i PD, Basha e ka vendosur në faqen e tij ne FB, shkruhet se protesta nis në orën 11:00 të së shtunës, në Bulevardin “Dëshmorët e Kombit”.

PD ka rritur tonet e protestës me bllokimin e komisioneve parlamentare dhe me thirrjen që u bëhet çdo ditë qytetarëve për t’iu bashkuar protestës.