Ish-kryeministri Sali Berisha tha sot se opozita nuk pret që Prokuroria të thotë të vërtetën për audio-përgjimin. Prokuroria drejtohet nga Rama tha ai duke treguar se si u kryen procedurat për marrjen e zërit të vëllait të Ministrit të Brendshëm.

Berisha: Nuk ka bërë asnjë ekspertizë, ajo ishte një gënjeshtër.Rama operon me gënjeshtra, siç operoi në Bundestag se Sajmir Tahiri nuk ka asnjë lidhje me kanabisin. Siç deklaroi në Itali se Agron Xhafaj është në bug ndërkohë që ai ishte duke pirë kafe në lokalin e tij.

Gazetarja: Në rast se ekspertiza do thotë se është sajesë, ç’do bëni?

Berisha: Cila ekspertizë?

Gazetarja: Ajo që do bëjë Prokuroria....

Berisha: Prokuroria është e Ramës. Një prokurori që merr përgjimin në orën 4 të mëngjesit dhe u thotë gazetarëve ato që thotë Endri Fuga.

Gazetarja: U ekstradu Agron Xhafaj...

Berisha: U vetë ekstradua për të mbrojtur pasurinë e Fatmir Xhafaj. Këto pasuri janë pallate në Vlorë, pallate në Pogradec, kompani bastesh. Këto pasuri janë të paprekura as edhe një centim e tyre. Sepse kumbar Xhafaj që është edhe kreu i familjes Xhafaj, thonë se është serioz. Po si mund të jetë serioz ky hipokrit që fshehu dënimin e vëllait.