Ngjarja e rëndë e ndodhur mëngjesin e kësaj të enjte në Durrës, ku persona të paidentifikuar, u futën në Prokurorinë e këtij qytetit, duke grabitur disa dosje hetimore.

Ngjarja nuk është e izoluar në këtë Prokurori, pasi vetëm 2 javë më parë, postierit me dokumente të organit të akuzës në Durrës, i dolën para persona të paidentifikuar duke i marrë dokumente të rëndësishme.

Në një kohë kur Edi Rama po mburret se qeveria e tij po bën Reformën në Drejtësi, duket se krejt e kundërta po ndodh në realitet.

Grupe kriminale të njohura shumë mirë nga Edi Rama, po investojnë fuqishëm për të prishur dosjet hetimore të deritanishme, të ngritura pas denoncimeve publike që ka bërë PD për njerëz të lidhur me krimin dhe botën e errët.

Hetimet e bëra deri tani nga disa prokurorë, kanë nxjerrë në pah lidhjet shumë të ngushta që zyrtarë të lartë të PS kanë me grupe kriminale që e kanë shtrirë këtë aktivitet në qytetin e Durrësit.

Në grabitjen e sotme, janë marrë dosje të rëndësishme, për të penguar hetimet e nisur lidhur me disa çështje të bujshme në këtë qytet.

Në një kohë kur Komisioni i Pavarur i Kualifikimit, ose i njohur me emrin e familjarizuar, KPK, ka pushuar nga puna disa prokurorë dhe gjyqtarë pasi nuk kanë justifikuar dot pasurinë, duket se kontrollimi i dosjeve i është kaluar krimit të organizuar.

Kriminelë me mbështetje të rëndësishme nga pushtet, po zgjedhin prokurorë të cilët kanë dosje për ta, dhe ndryshe nga KPK, ata po u bëjnë një farë Vettingu dosjeve të prokurorëve.

Tashmë mund të themi se Vettingun, nuk po e bën vetëm KPK, por edhe bota e krimit, dhe dihet me mbështetjet e kujt.

/55News.al/