Forca të shumta të policisë kanë rrethuar godinën e Kryeministrisë ndërsa pritet të nisë protesta e opozitës. Rreth 1500 efektivë policie do të jenë në gatishmëri për monitorimin e protestës.

Nga pamjet duket se mbrapa Kryeministrisë janë vendosur forcat e FNSH-së, Shqiponja dhe RENEA që do të ndërhyjnë vetëm nëse do të ketë trazira.

Edhe nga pjesa e përparme, përgjatë bulevardit janë vendosur efektivë të tjerë të policisë. Në lulishten para piramidës ka një grup tjetër efektivësh policie që do të mbikëqyrin protestën e opozitës. Para kryeministrisë është formuar edhe kordoni i policisë.